Cynllun Catrefi Cynnes Nyth
Nod Nyth, cynllun cartrefi cynnes Llywodraeth Cymru, ydy helpu i wneud cartrefi Cymru yn gynhesach ac yn fwy ynni-effeithlon.
Os ydych chi’n berchen ar eich cartref eich hun, neu’n ei rentu’n breifat, a bod angen gosod gwres canolog neu fwyler newydd arnoch neu os ydych chi neu rywun sy’n byw gyda chi yn cael budd-dal sy’n dibynnu ar brawf modd a’ch bod yn byw mewn cartref sy’n anodd ei gynhesu, mae'n bosib y byddwch yn gymwys i gael gwelliannau am ddim.
Ffoniwch 0808 2244 neu ewch i wefan Nyth.
Rhaglen ARBED
Mae ARBED yn cefnogi ymrwymiad Llywodraeth Cymru i leihau newid yn yr hinsawdd, helpu i ddileu tlodi tanwydd a hybu datblygiad economaidd ac adfywio yng Nghymru.
Sefydlwyd y rhaglen yn 2009 ac mae Casnewydd wedi bod yn ddigon llwyddiannus i sicrhau dau gam o’r cynllun.
Yng Ngham Un cafodd Cyngor Dinas Casnewyddhyd at £1.28m i wella perfformiad ynni tai sy'n anodd i'w hinswleiddio yn rhai o'r ardaloedd mwyaf difreintiedig yng Nghasnewydd.
Yng Ngham Dau cafodd 180 o gatrefi pellach yn y ddinas eu hinswleiddio, bwyleri newydd a chyngor ar ynni.
Trwsio a newid bwyleri
Mae rhaglen trwsio neu newid bwyleri am ddim ar gael i berchennogion tai a thenantiaid sy'n rhentu tai yn breifat.
Mae’n bosib trwsio bwyleri effeithlon sydd wedi torri neu osod bwyler newydd yn ei le os ydyw'n llai na 80% yn effeithlon.
Mae'n rhaid i aelwydydd fod yn Grŵp Cynhesrwydd Fforddiadwy ECO (aelwydydd sy'n agored i niwed ar incwm isel) a hawlio budd-dal sy'n dibynnu ar brawf modd.
Gwnewch gais i Asiantaeth Cyngor ar Ynni De Ddwyrain Cymru drwy ffonio (01633) 223111.
Y Fargen Werdd a’r Rhwymedigaeth Cwmni Ynni (ECO)
Mae’r Fargen Werdd, a lansiwyd ym mis Ionawr 2013, yn berthnasol i’r sectorau domestig ac annomestig, ac mae’n galluogi pobl i dalu am welliannau effeithlonrwydd ynni drwy arbedion ar eu biliau ynni.
Nod y Rhwymedigaeth Cwmni Ynni (ECO) ar gyfer chwe cyflenwr ynni mawr yw cyflwyno mesurau arbed ynni a dŵr poeth, inswleiddio, technoleg gwydr a micro-gynhyrchu (ac eithrio PV) i aelwydydd incwm isel a'r rheiny sy’n agored i niwed.
Rhagor o Wybodaeth
Canolfan Cyngor ar Ynni De Ddwyrain Cymru
National Energy Action
Ymddiriedolaeth Arbed Ynni Cymru