Mae pridiant tir lleol yn gyfyngiad neu'n waharddiad sy'n rhwymo perchnogion olynol eiddo.
Mae adran pridiannau tir lleol y cyngor yn cynnal holl chwiliadau swyddogol y Gofrestr Pridiannau Tir Lleol ar gyfer tir ac eiddo yng Nghasnewydd, ac mae'n bodoli i amddiffyn darpar brynwyr eiddo yn yr ardal.
Mae'r adran yn cynnal y Gofrestr Pridiannau Tir ac yn cadw'r gofrestr Tir Comin a Meysydd Pentrefi.
Chwiliad gan yr awdurdod lleol
Mae chwiliad llawn gan yr awdurdod lleol yn cynnwys ymholiadau LLC1 a CON29(R) a byddant yn cael eu cwblhau o fewn 5 niwrnod gwaith o'r dyddiad cofrestru.
1) LLC1
Chwiliad o'r Gofrestr Pridiannau Tir Lleol yw hwn a gallai ddatgelu cyfyngiadau ar yr eiddo sy'n rhwymo perchnogion olynol e.e. caniatâd cynllunio, arwystlon ariannol, gorchmynion cadw coed a hysbysiadau gorfodi, adeiladau rhestredig.
2) CON29 (R)
Mae hwn yn rhoi ymatebion i'r ymholiadau ar ffurflen y cytunwyd arni'n genedlaethol, ynghyd â Thystysgrif Chwiliad Swyddogol.
Gallai'r wybodaeth sy'n cael ei chynnwys yn y chwiliadau hyn gynnwys:
- gorchmynion prynu gorfodol
- gorchmynion cadw coed arfaethedig
- hysbysiadau o dan y Deddfau Cynllunio, Priffyrdd ac Iechyd y Cyhoedd nad ydynt i'w gweld ar unrhyw gofrestr
- cynigion ynghylch ffyrdd (gan gynnwys ehangu'r ffordd)
Efallai y byddwch am ofyn am ymholiadau dewisol hefyd, fel:
- cynigion gan gyrff preifat ar gyfer ffyrdd
- llwybrau cyhoeddus neu gulffyrdd
- piblinellau
- ardaloedd menter
- tir comin neu feysydd pentrefi
Gwneud cais am chwiliad
Gofynnwch i'ch cyfreithiwr weithredu ar eich rhan, fel rhan o'r broses drawsgludo, neu cysylltwch â ni am gyngor gan ddefnyddio'r manylion isod.
Derbynnir ceisiadau am chwiliadau drwy'r Post/DX drwy'r Gwasanaeth Gwybodaeth Tir Cenedlaethol.
Anfonwch ffurflen gais am chwiliad Pridiannau Tir Lleol (pdf) drwy'r e-bost.
Chwiliadau personol
Efallai y bydd rhai cyfreithwyr yn defnyddio cwmnïau chwilio personol i gynnal chwiliad lleol.
Caiff asiantau chwiliadau personol ac aelodau'r cyhoedd edrych ar y Gofrestr Pridiannau Tir Lleol am ddim.
Nid yw'r Cyngor yn darparu unrhyw waith papur, felly'r unigolyn sy'n gyfrifol am wneud nodyn o unrhyw wybodaeth berthnasol wrth archwilio'r data.
Bydd gwybodaeth Con 29 nad yw ar gael ar unrhyw gofrestr gyhoeddus yn cael ei darparu ar ffurf data crai sydd ar gael i edrych arno yn unig.
Bydd adroddiad pwrpasol yn cael ei ddarparu ar ôl talu ffi weinyddol.
Cysylltwch â'r adran pridiannau tir isod i gael gwybod ble mae'r wybodaeth yn cael ei chadw a chyflwynwch eich cais yn ysgrifenedig i'r adran berthnasol.
Caiff asiant chwiliadau personol gynnal nifer di-ben-draw o chwiliadau.
Ffioedd O 1 Ebrill 2023
| |
|
£ |
TAW i'w thalu? |
TAW |
Cyfanswm £ |
| Ffurflen LLC1 (statudol) |
|
6.00 |
Nac oes |
0 |
6.00 |
| Ffurflen CON29R |
|
118.56 |
Oes |
23.71 |
142.27 |
| Ffurflen LLC1 a CON29R (chwiliad swyddogol) |
124.56 |
Rhan |
23.71 |
148.27 |
Ffurflen CON29O (ymholiadau dewisol) fesul cwestiwn
Codir am gwestiynau 5,6,9,15,17,18, 19,20,21 fesul uned/llain o dir sy'n cael ei chwilio
Ffurflen CON29O cwestiwn 22 yn unig |
Cwestiynau 4 i 21 |
14.00 |
Oes |
2.80 |
16.80 |
| |
17.00 |
Oes |
3.40 |
20.40 |
| Ffurflen CON29O yn unig - ffi weinyddol |
5.00 |
Oes |
1.00 |
6.00 |
| Cwestiynau'r cyfreithiwr ei hun |
28.08 |
Oes |
5.62 |
33.70 |
| Pob llain ychwanegol LLC1 |
1.00 |
Nac oes |
0.0 |
1.00 |
| Pob llain ychwanegol CON29R |
27.04 |
Oes |
5.41 |
32.45 |
Pob llain ychwanegol LLC1
a CON29R |
28.04 |
Rhan |
5.41 |
33.45 |
| Chwiliadau personol |
|
Dim ffi |
|
0 |
0 |
| Ymholiadau ynghylch chwiliadau personol |
£28.08 yr awr neu ran o awr |
28.08 |
Oes |
5.62 |
33.70 |
| Copi o ddetholiad priffyrdd (CON29R) |
25.00 |
Oes |
5.00 |
30.00 |
| Copi o ddogfennau drwy'r e-bost |
12.50 |
Oes |
2.50 |
15.00 |
| Copïau caled o gopïau o ddogfennau |
Cytundebau Adran 106 a 38 |
25.00 |
Oes |
5.00 |
30.00 |
| |
Gorchymyn Prynu Gorfodol |
50.00 |
Oes |
10.00 |
60.00 |
| |
Pob dogfen arall |
12.50 |
Oes |
2.50 |
15.00 |
Mae 'lleiniau ychwanegol' yn golygu eiddo sydd â ffin gyffredin, er enghraifft gallai tŷ fod wedi cael ei droi'n ddwy fflat ac mae'n bosibl byddwch chi'n dymuno chwilio'r adeilad cyfan.
Yn hytrach na chyflwyno dau chwiliad ar wahân, gallech dalu ffi ychwanegol o £26.00 i gynnwys yr ail gyfeiriad yn yr un chwiliad.
Os byddwch chi'n chwilio nifer o leiniau mewn un ardal, bydd tâl yn cael ei godi fesul uned sy'n cael ei chwilio ar gyfer rhai o'r ymholiadau dewisol gan fod pob cyfeiriad unigol yn cael ei chwilio er mwyn ateb yr ymholiad.
Cysylltwch â'r tîm pridiannau tir i gael gwybod y ffi gywir.
O dan bolisi canslo'r cyngor, bydd 50% o ffi'r chwiliad yn cael ei ad-dalu, ar yr amod nad yw un o gwestiynau chwiliad Con29 wedi cael ei ateb.
Ni fydd ad-daliad yn cael ei roi os bydd ffurflen LLC1 yn cael ei chanslo.
Apwyntiadau
E-bostiwch yr adran Pridiannau Tir Lleol yn land.charges@newport.gov.uk i drefnu apwyntiad. Byddwch yn cael slot apwyntiad lle gallwch gyrraedd ar unrhyw adeg yn ystod y cyfnod hwnnw ond rhaid i chi adael erbyn diwedd yr amser a neilltuwyd.
Oherwydd amgylchiadau y tu hwnt i'n rheolaeth, gallai rhai slotiau apwyntiadau newid. Os bydd yn rhaid canslo apwyntiad bydd apwyntiad newydd yn cael ei drefnu mor agos at y gwreiddiol â phosibl.