COVID-19: cynllun taliadau hunanynysu

Self-isolation support scheme

Mae cynllun cymorth hunanynysu Llywodraeth Cymru ar gyfer pobl ar incwm isel, na allant weithio o gartref ac sy'n rhaid iddynt hunanynysu. Mae hefyd ar gyfer rhieni a gofalwyr hefo plant sydd yn hunanynysu.

Rhaid ichi fod mewn gwaith (yn gyflogedig neu’n hunangyflogedig) i gael y taliad ac mae gofyn  ichi hawlio o fewn 21 diwrnod i ddiwrnod diwethaf  eich cyfnod hunanynysu.

Ni ddylent effeithio ar eich budd-daliadau.

Pwy sy’n gymwys

Mae'n rhaid i chi gael un o'r canlynol:

  • wedi adrodd prawf llif unffordd positif (LFT) o fewn 24 awr o gael y canlyniad
  • wedi cael canlyniad prawf PCR positif
  • wedi cael cyngor gan Profi, Olrhain, Diogelu GIG Cymru (TTP) i hunanynysu

Os ydych yn cael gwybod bod angen i chi hunanynysu drwy ap COVID-19 y GIG, ni fyddwch yn gymwys heblaw fod TTP yn dweud bod angen i chi hunanynysu.

Cyn y cyfnod hunanynysu mae rhaid eich bod:

  • yn gyflogedig neu’n hunangyflogedig
  • methu gweithio o gartref ac yn colli incwm o ganlyniad i’r hunanynysu
  • yn hawlio un o’r budd-daliadau canlynol:
    • Credyd Cynhwysol
    • Credyd Treth Gwaith
    • Lwfans Cyflogaeth a Chymorth yn seiliedig ar Incwm
    • Lwfans Ceisio Gwaith yn seiliedig ar incwm
    • Cymhorthdal Incwm
    • Budd-dal Tai
    • Credyd Pensiwn ag/neu

Os nad ydych yn derbyn un o'r budd-daliadau, efallai byddwch yn gymwys os oes dyfarniad wedi ei wneud eich bod yn gwynebu caledi ariannol o ganlyniad i’r golled yn eich cyflog tra yn hunanynysu. Esiampl o ble gall taliad ei wneud yw lle mae unigolyn ac incwm net o lai na £500 yr wythnos.

Os gofynnwyd i’ch plentyn hunanynysu

Gall rhiant neu warcheidwad wneud cais am daliad os gofynnwyd yn ffurfiol i’ch plentyn hynanynysu. Ni allwch gael y taliad os yw ap COVID y GIG wedi gofyn i’ch plentyn hunanynysu.

I gael y taliad mae’n rhaid bod eich plentyn yn mynychu'r ysgol, addysg bellach neu ofal plant (hyd at a gan gynnwys Blwyddyn 11, neu hyd at 25 oed os oes ganddo anghenion cymhleth) a’i fod wedi cael cais ffurfiol i hunanynysu gan y gwasanaeth Profi, Olrhain, Diogelu GIG Cymru.

Gwneud cais am y cynllun cymorth hunanynysu

Cyn dechrau ar y cais, gofalwch fod y wybodaeth ganlynol wrth law gennych:

  • eich Rhif Yswiriant Gwladol
  • eich cyfriflen banc, slip cyflog diweddaraf neu brawf eich bod yn hunangyflogedig 

Gwneud cais am daliad hunanynysu

Cynllun cymorth hunanynysu Covid-19: hysbysiad preifatrwydd

Am wybodaeth bellach cysylltwch SelfIsolationPayments@newport.gov.uk.

Bydd unrhyw daliad a gewch o dan y cynllun hwn yn drethadwy ond caiff ei ddiystyru at ddibenion budd-daliadau.