Mae Canolfan Ailgylchu Gwastraff y Cartref ar agor i drigolion Casnewydd ar gyfer ymweliadau a drefnwyd ymlaen llaw yn unig.
Bydd CAGC ar gau ar 25 a 26 Rhagfyr ac 1 Ionawr yn unig a bydd yn gweithredu yn ôl ei oriau agor arferol drwy gydol gweddill cyfnod y Nadolig.
Mae Canolfan Ailgylchu Gwastraff y Cartref Casnewydd ym Maesglas ym mynedfa’r safle tirlenwi oddi ar gylchfan y SDR (A48).
Oriau agor
Dydd Llun i ddydd Gwener: 7.30am - 6pm
Dydd Sadwrn a dydd Sul: 8am - 6pm
Cyfeiriad
Docks Way, Maesglas, Casnewydd, Gwent NP20 2NS (peidiwch â defnyddio hwn ar gyfer llyw lloeren).
Dod o hyd i'r Ganolfan Ailgylchu ar fapiau Fy Nghasnewydd.
Newidiadau i ddidoli gwastraff
Mae Cyngor Dinas Casnewydd yn cyflwyno didoli gwastraff cymysg yn y ganolfan ailgylchu gwastraff y cartref i gynyddu ailgylchu a lleihau gwastraff diangen.
O 1 Ebrill 2020, bydd angen i breswylwyr naill ai ddidoli gwastraff cyn ymweld neu ddefnyddio man didoli pwrpasol i sicrhau bod yr holl ddeunyddiau ailgylchadwy yn cael eu tynnu a'u rhoi yn y cynwysyddion perthnasol.
Bydd gofyn i'r trigolion sy'n dod â bagiau du, cynwysyddion neu drelars gwastraff cymysg i'r CAGC gyflwyno'r cynnwys i'r gweithwyr a dangos nad oes eitemau y gellir eu hailgylchu yn cael eu gwaredu.
Argymhellir yn gryf eich bod yn gwahanu eich gwastraff gartref er mwyn sicrhau ei fod yn cael ei drin yn gyflym ac yn effeithlon.
Gweler Cwestiynau cyffredin (pdf)
Dysgwch yr hyn y gellir ei ailgylchu yn y Ganolfan Ailgylchu.
Caiff preswylwyr Casnewydd ddefnyddio’r safle am ddim a chant hefyd ailgylchu yn un o ganolfannau ailgylchu Casnewydd.
Mae’n bosibl y gofynnir i breswylwyr â gwastraff heb ei drefnu, neu sy’n defnyddio trelar, gyflwyno tystiolaeth eu bod yn byw yng Nghasnewydd a dangos cynnwys eu bagiau i sicrhau na chaiff deunydd ailgylchu ei anfon i dirlenwi.
Caiff preswylwyr Casnewydd adael nid mwy na phedwar bag bin o wastraff y cartref heb ei drefnu os na ellir ailgylchu’r deunydd go iawn.
Safle tirlenwi
Mae’r safle tirlenwi ar gyfer cwsmeriaid masnachol a phreswylwyr sy’n defnyddio cerbydau mawr, trelars neu faniau.
Oriau agor
Dydd Llun – dydd Iau: 7:30am – 3:30pm (cofnod olaf 2:45pm)
Dydd Gwener: 7:30am – 3:00pm (cofnod olaf 2:15pm)
Dydd Sadwrn: Ar gau
Dydd Sul: Ar gau
Gwyliau’r Banc: Ar gau
Gweld y costau presennol ar gyfer tirlenwi.