Derbyn i ddosbarth meithrin

Nursery-admission

Darperir addysg feithrin ar gyfer plant tair a phedair oed.

Gellir derbyn plentyn i’r lleoliad meithrin ar ddechrau'r tymor ar ôl ei ben-blwydd/ei phen-blwydd yn dair oed, os oes lleoedd ar gael, a rhaid gwneud cais am bob plentyn sydd ag angen lle mewn lleoliad meithrin.

Gall hyn fod mewn ysgol feithrin gymunedol (Cyngor) neu mewn lleoliad preifat, a all fod yn gylch chwarae neu'n feithrinfa ddydd breifat.

  • Mae plant sy’n cael eu geni rhwng 1 Medi a 31 Rhagfyr yn gymwys i ddechrau'n gynnar o'r mis Ionawr sy’n dilyn eu trydydd pen-blwydd
  • Mae plant sy’n cael eu geni rhwng 1 Ionawr a 31 Mawrth yn gymwys i ddechrau'n gynnar o'r mis Ebrill sy’n dilyn eu trydydd pen-blwydd
  • Mae plant sy’n cael eu geni rhwng 1 Ebrill a 31 Awst yn gymwys i ddechrau'n gynnar o'r mis Medi sy’n dilyn eu trydydd pen-blwydd

Cynigir mynediad i ysgolion a dosbarthiadau meithrin cymunedol ar gyfer sesiwn hanner diwrnod, naill ai yn y bore neu’r prynhawn, ar bum niwrnod yr wythnos.

Mae ysgolion yn disgwyl i ddisgyblion sy'n mynychu'r dosbarth meithrin fynd i’r holl sesiynau sydd ar gael iddyn nhw.

Os nad ydych am i'ch plentyn fynychu pob un o'r pum sesiwn bob wythnos, efallai y byddai'n well gennych ddod o hyd i le mewn lleoliad preifat sy'n gallu cynnig trefniadau mwy hyblyg - cysylltwch â Gwasanaeth Gwybodaeth i Deuluoedd Casnewydd am gyngor. 

Nid yw mynychu dosbarth meithrin yn gwarantu derbyn nac yn rhoi unrhyw fantais i gais y plentyn am le yn y dosbarth Derbyn.

Rhaid i rieni wneud cais ar wahân ar gyfer lle yn y dosbarth Derbyn ar yr adeg briodol.

Ceisiadau am le meithrin ym mis Medi 2020

Y dyddiad olaf i gyflwyno cais oedd 18 Medi 2019.

Gweler y crynodeb derbyn i’r meithrin (pdf)

Lawrlwythwch y ffurflen cais am le meithrin ar gyfer mis Medi 2020 (pdf) i wneud cais hwyr.

Wrth wneud cais rydych chi’n ymgeisio am le ym mis Medi ac yn dangos y byddai gennych ddiddordeb mewn dechrau cynnar (lle codi’n 3 oed) yn y lleoliad meithrin hwnnw os yw’ch plentyn yn gymwys ac os oes lleoedd ar gael.

Lawrlwythwch y Polisi Derbyn i Ysgolion 2020 (pdf)

Wrth wneud cais rydych chi’n ymgeisio am le ym mis Medi ac yn dangos y byddai gennych ddiddordeb mewn dechrau’n gynnar (lle codi’n 3 oed) yn y lleoliad meithrin hwnnw os yw’ch plentyn yn gymwys ac os oes lleoedd ar gael.  

Ceisiadau am le meithrin ym mis Medi 2021

Gellir gwneud cais am le meithrin yn 2021 i blant a anwyd rhwng 1 Medi 2017 a 31 Awst 2018.  

  • Gellir gwneud cais o 8 Gorffennaf 2020 ymlaen
  • Y dyddiad cau i gyflwyno cais yw 16 Medi 2020
  • Caiff penderfyniadau eu cyhoeddi ar 2 Rhagfyr 2020

Os oes lleoedd codi’n 3 oed ar gael, bydd disgyblion cymwys yn cael cynnig dechrau cynnar yn y lleoliad meithrin sydd wedi'i neilltuo ar 2 Rhagfyr 2020 ar gyfer lleoedd codi’n 3 oed ym mis Ionawr 2021 (ceisiadau prydlon) neu ar 10 Mawrth 2021 ar gyfer lleoedd codi’r 3 oed ym mis Ebrill 2021 (ceisiadau prydlon). 

Pan wnewch gais ar-lein, bydd gofyn i chi gadarnhau eich dewisiadau ysgol feithrin. Ydych chi wedi ystyried addysg Gymraeg i’ch plentyn? 

Lawrlwythwch y Polisi Derbyn i Ysgolion 2021/2022 (pdf)

Darllenwch am ddalgylchoedd Casnewydd.  

Nid yw mynegi dewis yn sicrhau lle yn y lleoliad meithrin o’ch dewis ond bydd yn rhoi blaenoriaeth i'ch plentyn dros blant nad yw eu rhieni wedi’i ddewis. 

Os nad ydych yn mynegi dewis, neu’n cyflwyno’ch cais ar ôl y dyddiad cau, bydd yn llai tebygol y caiff eich plentyn fynychu’r lleoliad meithrin o’ch dewis. 

Cysylltwch ag ysgolion gwirfoddol a gynorthwyir (ffydd) yn uniongyrchol i gael  ffurflen gais.

Meini prawf ar gyfer sefyllfaoedd lle y mae mwy o alw am leoedd meithrin nag sydd ar gael

Os yw nifer y ceisiadau am le yn y lleoliad meithrin o’ch dewis yn llai neu'n gyfartal â nifer y lleoedd sydd ar gael, bydd pob ymgeisydd yn cael ei dderbyn.

Fodd bynnag, os oes mwy o ddewisiadau nag sydd o leoedd ar gael, caiff y meini prawf gordanysgrifio canlynol eu dilyn i benderfynu pa blant a ddylai gael eu derbyn. 

Os yw lleoliad meithrin wedi’i enwi ar ddatganiad Anghenion Addysgol Arbennig, mae gan y Cyngor ddyletswydd i dderbyn y plentyn i’r lleoliad hwnnw cyn i’r meini prawf gordanysgrifio gael eu defnyddio yn erbyn y ceisiadau a dderbyniwyd.

Bydd hyn yn lleihau nifer y lleoedd sydd ar gael i ymgeiswyr eraill.

Os bydd cyfanswm y dewisiadau ar gyfer derbyn i leoliad meithrin yn fwy na nifer y lleoedd, bydd y drefn flaenoriaeth ganlynol yn cael ei rhoi ar waith i ddyrannu'r lleoedd sydd ar gael:

  1. Plant sy’n derbyn gofal (plant mewn gofal cyhoeddus) a phlant a arferai dderbyn gofal
  2. Disgyblion sy’n byw yn y dalgylch ac sy’n cyflwyno cais ar sail feddygol neu sydd ar y Gofrestr Amddiffyn Plant ac wedi’u hargymell gan y Gwasanaethau Cymdeithasol;
  3. Disgyblion sy’n byw yn y dalgylch
  4. Disgyblion sy’n byw y tu allan i’r dalgylch ac sy’n cyflwyno cais ar sail feddygol neu sydd ar y Gofrestr Amddiffyn Plant ac wedi’u hargymell gan y Gwasanaethau Cymdeithasol;
  5. Disgyblion sy’n byw y tu allan i’r dalgylch.

Ar ôl ystyried y categorïau uchod, neu os yw nifer y ceisiadau mewn unrhyw un o’r categorïau uchod yn fwy na’r nifer derbyn sydd wedi’i gyhoeddi, rhoddir blaenoriaeth i’r rhai sy’n byw agosaf at yr ysgol.

Os byddwch yn mynegi mwy nag un dewis, bydd pob un o’r lleoliadau meithrin o’ch dewis yn cael ei ystyried yn gyfartal a chaiff lle ei gynnig yn y lleoliad meithrin a ffefrir fwyaf gennych os oes lle ar gael.

Sylwer nad oes hawl i apelio yn erbyn penderfyniad y Cyngor i wrthod lle mewn lleoliad meithrin.

Cyswllt

E-bostiwch school.admissions@newport.gov.uk os oes gennych unrhyw gwestiynau am ddosbarthiadau neu ysgolion meithrin cymunedol.

Cysylltwch â Gwasanaeth Gwybodaeth i Deuluoedd Casnewydd i gael gwybodaeth am leoedd yn y sector preifat.