Newyddion

Llwybr diogel newydd ar gyfer Llyswyry

Y Cynghorydd Roger Jeavons a'r Cynghorydd John Richards ar Monkey Island lle y bydd llwybr teithio llesol newydd yn cael ei greu.

Mae cynllun i greu llwybr diogel a dymunol ar gyfer cerddwyr a beicwyr trwy safle tir llwyd blaenorol yn barod i fynd yn ei flaen.

Rhoddwyd cymeradwyaeth ar gyfer y project teithio llesol trwy Monkey Island yn Llyswyry, fel rhan o waith Cyngor Dinas Casnewydd i wella rhwydwaith beicio a cherdded y ddinas.

Bydd hefyd yn rhoi llwybr diogel i'r ysgol i blant sy'n byw yn natblygiad Lysaght Village.

Dywedodd y Cynghorydd Roger Jeavons, Dirprwy Arweinydd ac Aelod Cabinet y Cyngor dros Wasanaethau'r Ddinas: "Rwyf wrth fy modd i glywed bod y cynllun gwych hwn wedi cael caniatâd i symud yn ei flaen. Ein nod yw gwneud cerdded a beicio yr opsiwn mwyaf deniadol ar gyfer teithiau byrrach trwy greu rhwydwaith a fydd yn cysylltu lle y mae pobl yn byw i'w cyrchfannau.

"Bydd llwybr Monkey Island yn ychwanegiad ardderchog i'r rhwydwaith hynny ac rwy'n gwybod ei fod yn un a gaiff ei groesawu gan y gymuned. Rwy'n arbennig o falch y bydd hefyd yn rhoi llwybr diogel i ysgolion lleol i blant.

"Profwyd bod cerdded a beicio yn gwella iechyd a lles pobl ac rydym yn ymdrechu i wneud ein llwybrau teithio llesol yn addas ar gyfer pob gallu."

Bydd y llwybr trwy Monkey Island yn cynnwys ramp newydd i gysylltu troedffordd ogleddol y briff ffordd, y darn o ofod agored a'r ystâd tai fel nad oes rhaid i bobl ddefnyddio'r nifer o groesfannau ar gyffordd SDR.

Bydd hefyd yn rhoi llwybr diogel a chynhwysol o lwybr cylchol y ddinas ar lan yr afon i'r ardaloedd masnachol a phreswyl yn Llyswyry yn ogystal â'r cysylltiadau newydd ar Corporation Road a gafodd eu gosod yn gynharach eleni.

Dysgwch ragor am deithio llesol yng Nghasnewydd ar https://www.newport.gov.uk/cy/Transport-Streets/Active-travel.aspx