Ceisiadau meithrin ar agor nawr
Wedi ei bostio ar Monday 3rd July 2017
Mae ceisiadau ar gyfer lleoedd meithrin Casnewydd yn 2018 ar agor nawr.
Mae’r broses a’r amserlen ymgeisio wedi’u newid yn ddiweddar gyda’r nod o wneud y broses yn haws i rieni.
Mae plant yn gymwys am le meithrin yn y tymor yn dilyn eu pen-blwydd yn dair oed ac yng Nghasnewydd gall hyn fod mewn dosbarth / ysgol feithrin a gynhelir neu mewn lleoliad nas cynhelir (grŵp chwarae neu feithrinfa ddydd breifat).
Am le meithrin ym Medi 2018 (meithrinfeydd a gynhelir yn unig), gellir gwneud ceisiadau rhwng 3 Gorffennaf a 18 Medi 2017.
Fodd bynnag, yn wahanol i'r blynyddoedd diwethaf, nid oes angen i rieni gyflwyno cais ar wahân ar gyfer lle i blant sy’n codi’n 3 oed. Gellir cynnig lleoedd i blant sy’n codi’n 3 oed a anwyd rhwng 1 Medi a 31 Mawrth, gyda dyddiad dechrau mewn meithrinfa o Ionawr neu Ebrill 2018.
Ar ôl i gais meithrin gael ei wneud, os oes lle ar gael i blant sy’n codi’n 3 oed, caiff rhieni eu hysbysu’n awtomatig a chynigir y lle iddynt.
Nid yw plant a anwyd rhwng 1 Ebrill a 31 Awst yn gymwys am le i blant sy’n codi’n 3 oed.
Dyddiadau allweddol
3 Gorffennaf – 18 Medi 2017:
Cyfnod ymgeisio am leoedd meithrin 2018
30 Tachwedd 2017:
Penderfyniadau'n cael eu cyhoeddi ar gyfer lleoedd Medi 2018
Ionawr 2018 Cynigir lleoedd Plant sy’n Codi’n 3 Oed (os oes rhai ar gael)
2 Mawrth 2018:
Ebrill 2018 Cynigir lleoedd Plant sy’n Codi’n 3 Oed (os oes rhai ar gael)
Mae’r cyngor yn gyfrifol am dderbyniadau i ysgolion meithrin cymunedol ond am le meithrin mewn ysgol wirfoddol a gynorthwyir neu leoliad nas cynhelir, dylid gwneud ymholiadau yn uniongyrchol i'r ysgol neu'r darparwr.
Mae lleoedd Cymraeg a Saesneg ar gael.
I gael rhagor o wybodaeth a ffurflenni cais, ewch i www.newport.gov.uk/schooladmissions