Gwastraff Gardd
Bydd casgliadau gwastraff gardd olaf 2022 yn cael eu cynnal rhwng dydd Llun 21 Tachwedd a dydd Gwener 2 Rhagfyr a bydd yn ailddechrau wythnos yn dechrau 27 Chwefror 2023.
Gellir mynd â gwastraff gwyrdd i'r Ganolfan Ailgylchu Gwastraff y Cartref nes bod y casgliadau'n ailddechrau.
Mae biniau gwastraff gardd (â chaeadau oren) yn cael eu darparu am ddim gan Gyngor Dinas Casnewydd i gartrefi sydd â gardd.
Rhaid eu defnyddio ar gyfer gwastraff gardd yn unig a'u rhoi allan i'w casglu erbyn 7am.
Os gwelwch yn dda...
|
Dim diolch...
|
| Toriadau porfa |
Unrhyw blastig e.e. bagiau, potiau, polystyren |
| Toriadau perthi |
Pridd, tywyrch, cerrig a rwbel |
| Toriadau llwyni a choed |
Unrhyw wastraff y cartref |
| Canghennau a brigau bach |
Chwyn niweidiol e.e. clymog Japan (Japanese knotweed) |
| Dail a ffrwythau o'r ardd |
Gwastraff bwyd - bydd angen i ffrwythau o siop/anghenion cynnyrch cegin fynd yn y cadi brown ar gyfer gwastraff bwyd |
| Deunydd gwely cwningod, moch cwta, anifeiliaid anwes bach llysysol |
Baw anifeiliaid |
| Planhigion, blodau wedi'u torri a chompost potiau |
Cardbord, defnyddiwch eich blwch neu fagiau ailgylchu cardbord |
Ni ellir gwacáu eich bin gwastraff gardd:
- os yw'n cynnwys yr eitemau a restrir uchod na ddylai fod ynddo
- os yw'n cynnwys bagiau - dylai gwastraff gardd fod yn rhydd ac nid mewn bagiau
- os yw'n rhy drwm neu'n rhy llawn i'w wacáu
Os yw'ch bin yn cynnwys eitemau anghywir, bydd tag yn cael ei roi ar ddolen y bin yn rhoi gwybod i chi.
Tynnwch yr eitemau hynny allan o'r bin a rhowch ef yn barod i'w wacáu ar y diwrnod casglu nesaf arferol.
Gwastraff gardd ar ôl ei gasglu...
Mae gwastraff gardd Casnewydd yn cael ei anfon i gyfleusterau compostio lle y caiff ei droi'n gyflyrydd pridd sy'n addas i'w ddefnyddio ar dir amaethyddol ac wrth dirweddu.
Mae dargyfeirio gwastraff gardd o safleoedd gwastraff y cartref a thirlenwi yn arwain at fuddion amgylcheddol ac ariannol ac mae'n helpu i wella perfformiad ailgylchu Cyngor Dinas Casnewydd.