Safonau Effeithlonrwydd Ynni Gofynnol
Er 1 Ebrill 2020, yn unol â Rheoliadau Effeithlonrwydd Ynni (Eiddo Rhent Preifat) (Cymru a Lloegr) (2015), mae wedi bod yn anghyfreithlon rhentu eiddo domestig gyda sgôr Tystysgrif Perfformiad Ynni (TPY) F neu G (oni bai bod eithriad dilys wedi'i gofrestru ar Gofrestr Eithriadau'r sector rhent preifat (SRhP)).
Mae'r rheoliadau'n berthnasol i’r holl eiddo perthnasol yn y SRhP, hyd yn oed os na newidiwyd tenantiaeth. Mae dyletswydd gan Gyngor Dinas Casnewydd i orfodi'r rheoliadau hyn.
Lawrlwythwch y Safonau Effeithlonrwydd Ynni Gofynnol - Canllaw I Landlordiaid Ac Asiantau Gosod (pdf)
Beth yw TPY?
Mae TPY yn rhoi sgôr effeithlonrwydd ynni i'r eiddo. Mae hefyd yn rhoi argymhellion ynghylch sut y gellid lleihau'r defnydd o ynni, gan leihau costau rhedeg:
Eiddo sy’n cael sgôr A yw'r rhai mwyaf effeithlon o ran ynni ac eiddo sy’n cael sgôr G yw'r lleiaf effeithlon. Nid yw eiddo sy’n cael sgôr F neu G yn cydymffurfio.
Rhaid i landlordiaid:
- Beidio â marchnata na gosod yr eiddo hyd nes y ceir sgôr TPY E neu uwch. Rhaid rhoi copi o’r TPY i’r tenantiaid hefyd.
- Sicrhau bod gan eiddo rhent TPY dilys gyda sgôr 'E' o leiaf.
- Cofrestru eithriad SRhP dilys ar Gofrestr Eithriadau’r SRhP.
Bydd methu â gwneud y rhain yn golygu eu bod yn torri’r rheoliadau.
Mae TPYau yn ddilys am 10 mlynedd (oni bai bod tystysgrif ddilys newydd yn cael ei chomisiynu o fewn y cyfnod hwn). Rhaid iddi gael ei chyflwyno gan berchennog yr eiddo pan gaiff yr eiddo ei rentu neu ei werthu.
Eithriadau
Mae'r Rheoliadau yn atal landlordiaid rhag gosod eiddo sydd â sgôr TPY sy’n llai nag E.
Mae rhai eithriadau a rhaid i landlordiaid wneud cais am eithriad a gofnodir ar Gofrestr Eithriadau'r SRhP.
I eithrio eiddo, dylai landlordiaid wneud cais i gofrestru hyn cyn gynted â phosibl er mwyn parhau i gydymffurfio.
Mwy o wybodaeth am eithriadau
Gwybodaeth ddefnyddiol