Cymorth i aelwydydd a busnesau
Wedi ei bostio ar Monday 31st January 2022
Mae Cyngor Dinas Casnewydd yn atgoffa trigolion a busnesau o'r cymorth sydd ar gael iddynt.
Dywedodd y Cynghorydd Jane Mudd, Arweinydd y Cyngor: "Rydyn ni'n gwybod bod teuluoedd, unigolion a busnesau ar draws Casnewydd yn parhau i deimlo cryn bwysau ac mae'r cyfnod ar ôl y Nadolig yn gallu bod yn arbennig o heriol.
"Mae pawb wedi gweld costau byw yn cynyddu - mae ynni, bwyd, dillad - ynghyd â'r pandemig hefyd wedi effeithio ar incwm llawer.
"Yn yr un modd, mae busnesau wedi gweld y fasnach yn cael ei heffeithio ac mae cost cyflenwadau'n cynyddu.
"Ychydig cyn y Nadolig fe wnaethon ni gyhoeddi £100,000 yn ychwanegol ar gyfer banciau bwyd lleol sy'n darparu gwasanaeth mor hanfodol.
"Ond gall y cyngor a'r partneriaid rydyn ni'n gweithio gyda nhw helpu mewn sawl ffordd - cysylltwch â ni os ydych chi'n cael trafferth neu'n poeni."
Ceir gwybodaeth am yr ystod o gymorth a chyngor sydd ar gael ar wefan y cyngor.
Mae'r cymorth yn amrywio o gymorth gyda biliau tanwydd, i gymorth i ddod o hyd i waith neu gael hyfforddiant.
Mae'r cyngor hefyd yn gweithio'n agos gyda llawer o sefydliadau cefnogol eraill sy'n cynnig arian cyffredinol neu gymorth dyled.
Dysgwch fwy am :
- Gyngor ar ddyledion
- Banciau bwyd
- Tanwydd gaeaf a chymorth cyfleustodau eraill
- Cymorth â’r dreth gyngor a gwiriadau budd-daliadau
- Cymorth hunanynysu
- Grantiau Covid
- Cyflogadwyedd a hyfforddiant
- Cysylltwyr Cymunedol
- Tai
Mae cyngor a chymorth penodol hefyd ar gael i fusnesau – dysgwch ragor.