Nawr ar agor! Dathlu'r Jiwbilî Platinwm gyda llwybr stori teuluol am ddim
Wedi ei bostio ar Saturday 30th April 2022
Nawr ar agor!
Bydd Casnewydd yn cymryd rhan mewn llwybr realiti estynedig wedi'i gynllunio'n arbennig i ddathlu Jiwbilî Platinwm y Frenhines.
Mae'r llwybr yn brofiad lle mae’r chwaraewyr yn ymweld â saith cymeriad sydd wedi dod yn fyw o Balas Buckingham i ymweld â lleoliadau o amgylch Casnewydd ar ddiwrnod allan.
Mae’r chwaraewyr, dan arweiniad Syr Barnaby Beacon, yn ymweld â phob cymeriad, gan gynnwys Charlie Crown a Theadora Throne, gan ddysgu am ddegawd gwahanol yn nheyrnasiad 70 mlynedd Ei Mawrhydi a 'dewis eu hantur eu hunain' wrth iddynt symud ar hyd y llwybr.
Mae'r profiad arloesol hwn yn gwbl ddigyswllt ac am ddim – y cyfan sydd ei angen arnoch yw ffôn clyfar. Mae mor hawdd cymryd rhan – sganiwch y codau QR a ddangosir ym mhob un o'r lleoliadau yng nghanol y ddinas a Chaerllion, dewiswch beth sy'n digwydd yn y stori a gweld y cymeriadau'n dod yn fyw mewn realiti estynedig. Gallwch hyd yn oed gymryd hunluniau a recordio fideos gyda nhw!
Casglwch y digidol stampiau ym mhob lleoliad a gallwch hefyd hawlio pecyn hwyl digidol ac e-lyfr am ddim sy'n cynnwys diweddglo’r stori.
Bydd y llwybr ar gael o 30 Ebrill tan 12 Mehefin a bydd yn helpu i greu bwrlwm a chodi ymwybyddiaeth yn yr wythnosau sy'n arwain at gynnau Coelcerth Jiwbilî Casnewydd.
Bydd rhagor o fanylion am y llwybr ar gael yn www.newport.gov.uk/jiwbili a www.jubileebeacontrail.com
Mae lleoliadau'r llwybrau fel a ganlyn – chwiliwch am y cymeriadau lliwgar fydd yn cael eu harddangos!
- Coffiology, Stryd Fawr, Caerllion
- Fresh Start, Comin Goldcroft, Caerllion
- Marchnad Casnewydd, Stryd Fawr, Casnewydd
- Coffee Corner, Rhodfa Friars Walk, Casnewydd
- Theatr Glan yr Afon, Kutaisi Walk, Casnewydd
- Octopus Lounge, East Dock Road, Casnewydd
- Hortons Coffee House, Rhodfa’r Mileniwm, Casnewydd
Cyflwynir Llwybr y Beacon mewn partneriaeth â High Street Safari. Mae'r llwybr yn ddiwrnod allan arloesol a hwyliog i chwaraewyr, a gallwch hefyd ddewis gyfrannu i Help for Heroes i gefnogi ein cyn-filwyr a'u teuluoedd.