Sgiliau digidol a chynhwysiant
Byddwn yn datblygu sgiliau digidol ein dinasyddion, ein gweithwyr a'n haelodau ac yn cefnogi mynediad gwell i dechnoleg ddigidol.
Yr hyn y byddwn yn ei gyflawni dros y 5 mlynedd nesaf i ddinasyddion a busnesau:
- Gwell sgiliau digidol i ddinasyddion a busnesau. I wneud hyn byddwn yn:
- Cyflwyno rhaglen hyfforddi sgiliau digidol am ddim yn amrywio o lythrennedd digidol sylfaenol i gyfleoedd datblygu addysg bellach, gan weithio ar y cyd â phartneriaid yn cynnwys Cymunedau Digidol Cymru.
- Cyfeirio dinasyddion a busnesau i gyfleoedd hyfforddi sydd ar gael iddynt
- Gweithio mewn cydweithrediad â phartneriaid addysgol a chyflogwyr i sicrhau bod hyfforddiant digidol ar gael.
- Cynhwysiant digidol gwell drwy ddarparu mynediad i ddyfeisiau. I wneud hyn byddwn yn:
- Cyflwyno cynllun benthyg cyfrifiaduron llechen yn y ddinas
- Cefnogi’r defnydd o gyllid grant sy'n canolbwyntio ar y gymuned i ehangu mynediad i adnoddau digidol
- Cefnogi ysgolion i gynnal nifer y dyfeisiau digidol a argymhellir gan yr awdurdod lleol fel bod gan ddysgwyr fynediad i’r dyfeisiau sydd eu hangen arnynt.
- Cynhwysiant digidol gwell drwy ddarparu Wi-Fi cyhoeddus am ddim a chyfeirio i ddata am ddim sydd ar gael I wneud hyn byddwn yn:
- Darparu Wi-Fi cyhoeddus mewn adeiladau cymunedol, canol y ddinas a bysiau
- Gweithio gyda'r Gynghrair Tlodi Digidol i godi ymwybyddiaeth a chyfeirio i ddata am ddim.
- Cynhwysiant digidol gwell wedi'i sbarduno gan broffilio dealltwriaeth cwsmeriaid. I wneud hyn byddwn yn:
- Gweithio ar y cyd â phartneriaid i fapio proffil cymunedol cymunedau ac ardaloedd sydd wedi'u hallgáu'n ddigidol
- Adolygu data demograffig allweddol i dargedu cymorth ar gyfer cynhwysiant digidol.
- Gwasanaethau sydd wedi'u cydgysylltu ar draws partneriaid. I wneud hyn byddwn yn:
- Gweithio ar y cyd â Chynghrair Cynhwysiant Digidol Cymru i gyflawni ein 6 addewid i ddileu allgau digidol
- Rhoi cyhoeddusrwydd i'r gwaith cynhwysiant digidol y mae CDC a phartneriaid yn ei wneud ledled y ddinas.