Rhaglen gyllidebu gyfranogol 2022/23
Mae ein rhaglen gyllidebu gyfranogol ddiweddaraf bellach ar agor ar gyfer ceisiadau.
Mae Ein Llais Ein Dewis Ein Dinas yn rhoi cyfle i bobl Casnewydd, wneud cais am arian i wneud Casnewydd yn lle mwy diogel, cryfach, gwyrddach i fyw, gweithio ac ymweld â hi.
Mae Cyngor Dinas Casnewydd a Bwrdd Iechyd Prifysgol Aneurin Bevan wedi sicrhau bod gwerth £300,000 ar gael i'w wario ar brosiectau a fydd yn cael eu darparu yng Nghasnewydd gan grwpiau a sefydliadau lleol.
Bydd yr arian hwn yn cael ei ddyrannu drwy broses a elwir Cyllidebu Cyfranogol. Mae Cyllidebu Cyfranogol, sy'n dod o Frasil, yn caniatáu i bobl leol bleidleisio'n uniongyrchol ar ba brosiectau maen nhw am eu gweld yn cael eu hariannu.
Gwybodaeth
Rhaid i bob prosiect fynd i’r afael ag un neu fwy o’r themâu allweddol:
1 - Adeiladu cymunedau mwy diogel, cryfach a mwy gwydn
2 - Gwella iechyd, lles ac annibyniaeth pob
3 - lLleihau anghydraddoldebau, mynd i'r afael ag anfantais a chefnogi ein pobl fwyaf agored i niwed
4 - Mynd i’r afael â’r argyfwng hinsawdd a natur, drwy weithredu ar yr hinsawdd a diogelu a gwella bioamrywiaeth.
5 - Gwneud Casnewydd yn lle gwell i fyw, gweithio ac ymweld ag ef
Y dyddiad cau ar gyfer derbyn ceisiadau yw 5pm ar ddydd Gwener 16 Rhagfyr.
Os oes gennych brosiect sy'n cyrraedd ein meini prawf, gallwch wneud cais am hyd at £10,000 ar gyfer cais sengl neu hyd at £15,000 ar gyfer tri chais ar wahân.
Gallwch gael mynediad i'r ffurflen drwy glicio yma.
Gallwch ddod o hyd i fanylion eich aelod lleol yma
I gael mwy o wybodaeth neu’r newyddion diweddaraf, cysylltwch â ni trwy e-bostio
[email protected] neu ffonio 01633 235207
Egwyddorion y Prosiect
Adeiladu cyfalaf cymdeithasol a chyfoeth cymunedol –dylai prosiectau gryfhau cysylltiadau a rhwydweithiau cymdeithasol, adeiladu gwydnwch cymunedol a hyrwyddo ymddiriedaeth a chydweithrediad
Gweithredu cymdeithasol – dylai prosiectau ddod â phobl at ei gilydd i wella bywydau a datrys problemau sy'n bwysig i'w cymunedau
Yn seiliedig ar dystiolaeth a chanlyniadau – dylai prosiectau ddangos tystiolaeth bod eu hangen, ar sail y themâu allweddol a nodwyd, a bod ganddynt ganlyniadau clir a mesuradwy
Ataliol a hirdymor – dylai prosiectau ganolbwyntio ar ddulliau sy'n atal problem rhag gwaethygu, a mynd i'r afael ag achosion sylfaenol problemau
Cydweithredu – dylai prosiectau gynnwys cymunedau ac annog partneriaeth a ffyrdd o gydweithio
Cydraddoldeb a chynhwysiant – dylai prosiectau fod yn gynhwysol ac yn hygyrch gyda’r nod o fynd i'r afael ag anghydraddoldebau canlyniadau a nodwyd
Ychwanegedd –ni ddylai prosiectau ddyblygu'r ddarpariaeth cymorth Covid-19 bresennol, ond ceisio llenwi bylchau
Mae Cyngor Dinas Casnewydd yn gweithio ar y rhaglen hon mewn partneriaeth â Mutual Gain, sy'n arbenigwyr mewn cyd-gynhyrchu, a Bwrdd Iechyd Prifysgol Aneurin Bevan.