Y Redwig

Dynodwyd y Redwig yn ardal gadwraeth ar 29 Mawrth 1985 a chafodd ei ail-arfarnu ym mis Medi 2002.

Gweld Datganiad Dynodi Ardal Gadwrath Redwig (pdf)

Mae ardal gadwraeth y Redwig wedi’i leoli yn Lefelau Gwent, tua 11km i’r de-ddwyrain o ganol dinas Casnewydd.

 

Lawrlwytho cynllun o ffiniau ardal gadwraeth y Redwig (pdf) 

Mae Lefelau Gwent yn cynrychioli enghraifft unigryw o dirwedd a wnaed gan ddyn sy’n gyfoethog dros ben o ran eu nodweddion archeolegol.

Cafodd y Lefelau eu hadfer o’r môr o gyfnod y Rhufeiniaid ymlaen, ac maent yn arddangos patrymau aneddiadau nodweddiadol. Mae’r llociau a’r systemau draenio yn dyst i’w ddefnydd gan genedlaethau’n olynol.

Y Redwig yw’r pentref mwyaf ar y Lefelau ac mae ar groesffyrdd pwysig yn rhan ganolog-ddeheuol y plwyf ac ar ran arfordirol uchaf Lefel Cil-y-coed.

Mae’r pentref wedi’i alinio ar echel ddwyreiniol-orllewinol, gyda’r eglwys ar yr ochr ddeheuol a Thŷ’r Redwig ar ran ogleddol y pentref.

Mae’n bosibl bod Eglwys San Tomos yn dyddio o’r 12^fed ganrif yn wreiddiol ac yn adeilad rhestredig gradd I.

Mae cyfnodau datblygu sy’n amlwg heddiw yn dod o’r cyfnod canoloesol gyda chamau adeiladu o’r 14^eg, 15^fed a 19^edd ganrif. Mae Brick House, sy’n hen ffermdy o’r 18^fed ganrif bellach wedi’i addasu’n westy rhestredig gradd II, ond mae y tu allan i ffiniau’r ardal gadwraeth.

Mae’r Redwig modern yn bentref gwledig hyfryd sy’n arddangos amrywiaeth o fathau, cyfnodau a steiliau o adeiladau.

Mae’r nifer o goed ffrwythau safonol a'r perllannau traddodiadol yn darparu dail nodedig ar gyfer rhai adeiladau a’r pentref yn gyffredinol. 

Gweld manylion adeiladau rhestredig Casnewydd 

Cysylltu

Cysylltwch â Chyngor Dinas Casnewydd a gofynnwch am y swyddog cadwraeth.