Parc Tredegar

Saif Parc Tredegar ger Cardiff Road, yn agos i allanfa Cyffordd 28 yr M4.

Mae meysydd chwarae ac ystafelloedd newid ar gyfer clybiau chwaraeon lleol, man chwarae i blant, cwrs pitsio a phytio, cyrtiau tennis a pharc sglefrio.

Oriau Agor

Mae Parc Tredegar yn agor am 6am.  

Mae cyfleusterau ym Mharc Tredegar yn cynnwys: 

  • Le parcio i fwy na 100 o geir
  • Maes chwarae sy’n addas i amrywiaeth o grwpiau oedran
  • Golff gwyllt naw twll
  • Trac cerdded/rhedeg un filltir
  • Parc sglefrio a thrac beicio
  • Cyrtiau tennis
  • Caeau pêl-droed
  • Caeau rygbi
  • Wicedi criced
  • Lle cawod a newid ar gyfer 6 thîm a dyfarnwyr
  • Toiledau cyhoeddus gyda mynediad i bobl anabl  

Gwiriwch argaeledd y meysydd chwarae drwy ffonio (01633) 656656 

Parc Sglefrio Casnewydd

Mae parc sglefrio Casnewydd ym Mharc Tredegar a chafodd ei ddylunio a’i adeiladu gan Acrete Skateparks gan weithio gyda phobl ifanc a helpodd i ddewis rhai o’r nodweddion, gan gynnwys darn powlen, darn stryd, ‘peanut bowl’ a naid i feiciau.

Rhieni

  • Mae’r parc sglefrio’n denu niferoedd uchel o ddefnyddwyr a dylid goruchwylio plant iau.
  • Mae cyfnodau tawelach yn y bore yn ystod yr wythnos a fydd o bosibl yn fwy addas i blant iau.

Argymhellir bod plant 5-8 oed yn aros yn narn stryd y parc, wedi’u goruchwylio gan oedolion.

Mae’r ardal hon yn addas i ddefnyddwyr sgwteri, sglefrfyrddwyr a reidwyr BMX.

Caiff sglefrwyr cymwys 9 oed a hŷn ddefnyddio’r bowlen fach, y brif bowlen a’r ardal feicio.

Dylai reidwyr BNX sylwi na chaniateir unrhyw begiau mewn unrhyw un o’r ardaloedd hyn.

Mae’r ‘peanut bowl’ (pwll) yn addas i arbenigwyr yn unig.

Oriau Agor

Mae’r parc sglefrio ar agor rhwng 9am a 9pm.

Pan fydd y gatiau ar gau, ni all cerbydau fynd i mewn neu adael y parc er y gellir mynd i mewn i’r parc sglefrio ar droed tan 9.00pm.

Cyswllt

Parc Tredegar, Ffordd Caerdydd, Casnewydd

Cysylltwch â Chyngor Dinas Casnewydd 

Gweler y map o leoliad y parc sglefrio

Bydd cyfranogwyr yn defnyddio’r parc sglefrio ar eu menter eu hunain