Dathlu Calan Gaeaf yn ddiogel gartref
Wedi ei bostio ar Monday 26th October 2020
Mae gweithgareddau Calan Gaeaf traddodiadol, megis losin neu lanast, partïon a digwyddiadau eraill, yn achosi risg o ledaenu Covid-19 ymhellach ac wedi’u gwahardd o dan reolau cyfnod atal presennol Cymru.
Mae'r cyngor yn annog preswylwyr i roi'r gorau i weithgareddau traddodiadol Calan Gaeaf eleni drwy ddathlu'n ddiogel o'u cartrefi eu hunain a pheidio â chyfarfod ag unrhyw un, naill ai dan do neu'r tu allan, nad ydynt yn rhan o'u cartref.
Mae'n anffodus bod cymaint o ddigwyddiadau wedi cael eu heffeithio gan y Coronafeirws eleni gan gynnwys Calan Gaeaf. Mae cyfyngiadau’r cyfnod atal ar waith i helpu i gadw'r feirws dan reolaeth ac mae'n hanfodol bwysig dilyn y rheolau.
Mae digon o ddewisiadau eraill i gadw pobl ifanc yn brysur – ac yn ddiogel – gartref. Mae’r rhain yn cynnwys:
- Cerfio pwmpen - beth am ddod o hyd i diwtorial ar-lein i gerfio'r bwmpen orau a’i rhannu ar y cyfryngau cymdeithasol.
- Cynnal parti Calan Gaeaf rhithwir.
- Cael helfa drysor â thema calan gaeaf yn y cartref.
- Gwylio ffilm Calan Gaeaf gyda'ch teulu.
Mae Heddlu Gwent wedi creu pecyn gweithgareddau y gellir ei lawrlwytho y gellir ei weld ar eu gwefan.