Camau i ymdrin â chynnydd mewn achosion Coronafeirws yng Nghaerffili
Wedi ei bostio ar Tuesday 8th September 2020
Datganiad gan Fforwm Cydnerthedd Lleol Gwent
Camau i ymdrin â chynnydd mewn achosion Coronafeirws yng Nghaerffili
Bydd nifer o fesurau newydd yn dod i rym ddydd Mawrth am 6pm er mwyn lleihau nifer yr achosion newydd o heintio gan coronafeirws. Bydd y cyfyngiadau newydd yn berthnasol i bawb sy’n byw yn ardal Cyngor Bwrdeistref Sirol Caerffili:
- Dim ond ar gyfer teithio hanfodol neu waith y bydd modd i bobl ddod i mewn i neu adael ardal Cyngor Bwrdeistref Sirol Caerffili;
- Bydd angen i bawb dros 11 oed wisgo gorchudd wyneb y tu fewn i adeiladau;
- Dim ond yn yr awyr agored y caiff bobl gyfarfod – ni chaniateir i bobl gyfarfod ag eraill y tu mewn ac ni chaniateir aelwydydd estynedig. Ni chaniateir aros dros nos.
Mae partneriaid ar draws Gwent yn gweithio gyda Llywodraeth Cymru i ddatblygu gwybodaeth i drigolion cyn bod mesurau’n dod i rym am 6pm yfory. Hoffem sicrhau trigolion y byddwn yn rhoi’r newyddion diweddaraf i chi cyn gynted ag y gallwn yfory.
Ewch i: https://llyw.cymru/cyfyngiadau-lleol-i-reolir-coronafeirws-yn-sir-caerffili