Diffodd y goleuadau i nodi Awr Ddaear WWF
Wedi ei bostio ar Thursday 22nd March 2018
Mae'r cyngor yn cefnogi Awr Ddaear byd-eang WWF ac yn ennill gwobr Seren
Ddydd Sadwrn, 24 Mawrth, am 8.30pm bydd Cyngor Dinas Casnewydd yn diffodd goleuadau yn y Ganolfan Ddinesig am awr i nodi Awr Ddaear World Wildlife Fund.
Mae’r cyngor yn ymuno â miliynau o bobl, dinasoedd, cymunedau a thirnodau ledled y byd mewn arddangosiad gweladwy byd-eang yn dangos ymrwymiad i fynd i’r afael â phroblemau amgylcheddol pwysig a diogelu ein planed.
Mae Cyngor Dinas Casnewydd hefyd yn bwriadu gweithredu drwy wneud #AddewidIrBlaned ar ôl datgan ei gefnogaeth i UK100, rhwydwaith o awdurdodau lleol sy’n canolbwyntio ar roi’r gorau i ddefnyddio tanwydd ffosil erbyn 2050.
Mae cyflogeion hefyd yn cael eu hannog i wneud eu haddewidion eu hunain a newid un peth yn eu bywyd bob dydd a fydd yn helpu i ddiogelu ein planed.
Mae’r cyngor yn cefnogi apêl WWF Cymru's i annog cymunedau a phartneriaid lleol yng Nghasnewydd i wneud #AddewidIrBlaned ac ymuno â’r digwyddiad diffodd goleuadau ar gyfer yr Awr Ddaear dydd Sadwrn.
Dewch i gefnogi’r achos er mwyn sicrhau byd gwell!
I gael rhagor o wybodaeth ac i wneud addewid ewch i wwf.org.uk/awrddaear