Mae rhaglen Cefnogi Pobl Casnewydd yn cynnig gwasanaethau cymorth sy’n ymwneud â thai i fwy na 4,000 o bobl sy’n agored i niwed, ac mae’n cael ei hariannu gan Lywodraeth Cymru i ddarparu’r gwasanaethau hyn.
Rhoir cymorth sy’n ymwneud â thai i bobl sy’n agored i niwed er mwyn eu helpu i ddatblygu a chynnal sgiliau a hyder i fyw mor annibynnol â phosibl.
Mae pobl agored i niwed yn cynnwys y grwpiau canlynol:
- Dynion, menywod a theuluoedd sy’n dioddef o gam-drin domestig
- Pobl ag anawsterau dysgu, anhwylderau datblygu a chyflyrau o’r sbectrwm awtistig
- Pobl â salwch meddwl
- Pobl sydd â phroblemau cyffuriau neu alcohol
- Pobl sydd â statws ffoaduriaid a mewnfudwyr o Ewrop
- Pobl ifanc sy’n gadael gofal a phobl 16-24 oed sy’n agored i niwed
- Pobl ag anableddau corfforol neu synhwyraidd
- Pobl sydd â hanes troseddu
- Pobl sy’n 55 oed neu’n hŷn sydd angen cymorth
- Teuluoedd ag un neu ddau riant sy’n agored i niwed
- Pobl sydd â salwch hirdymor, gan gynnwys HIV a Syndrom Diffyg Imiwnedd Caffaeledig (SDIC)
- Pobl sengl sy’n agored i niwed
- Pobl sydd ag ystod o broblemau sy’n gymhleth/lluosog
Enghreifftiau o’r cymorth sydd ar gael:
- Cyngor a chymorth i hawlio budd-daliadau a rheoli dyledion
- Cyngor a chymorth i reoli cyllideb a thalu biliau
- Cymorth i ddelio â gohebiaeth a llenwi ffurflenni perthnasol
- Cyngor ar faterion megis cymhorthion, addasiadau i’r cartref a diogelwch
- Cymorth i ddatblygu sgiliau byw’n annibynnol
- Help i gysylltu ag asiantaethau perthnasol megis meddygon neu weithwyr cymdeithasol
- Cymorth i gael mynediad at addysg, cyflogaeth, gwaith gwirfoddol a hyfforddiant
- Help i reoli llety neu ddod o hyd i lety mwy addas
- Cyfeirio at wasanaethau neu asiantaethau eraill
Lawrlwythwch ddogfen Cefnogi Pobl gweithgareddau a ganiateir (pdf) i gael ragor o wybodaeth am gymorth yn ymwneud â thai.
Mae atal digartrefedd wrth wraidd yr holl wasanaethau Cefnogi Pobl a ariennir ac a ddarperir mewn dwy ffordd:
Gwasanaethau Tai â Chymorth yw gwasanaethau seiliedig ar lety pan ddarperir cymorth sy’n ymwneud â thai ar y safle.
Mae’r rhain yn cynnwys gwasanaethau parhaol neu hirdymor megis gwasanaethau i bobl ag anableddau dysgu ac sy’n dioddef o broblemau iechyd meddwl, a gwasanaethau dros dro neu dymor byr megis hostelau i’r digartref a llochesi i bobl sy’n dioddef o gam-drin domestig.
Gwasanaethau Cymorth yn ôl yr Angen yw gwasanaethau cymorth sy’n ymwneud â thai a ddarperir gan weithwyr cymorth i bobl yn eu cartrefi ac mae amrywiaeth o’r gwasanaethau hyn ar gael yng Nghasnewydd.
Sut i gael mynediad at wasanaethau cymorth sy’n ymwneud â thai
Rydym yn hapus i dderbyn hunan-atgyfeiriadau er ei bod yn bosib y byddwn yn gofyn am ragor o wybodaeth gan asiantaethau partner.
Ar ôl derbyn cais am gymorth neu atgyfeirio, cwblheir asesiad o anghenion cymorth sy’n ymwneud â thai cyn dyrannu gwasanaeth cymorth.
Lawrlwythwch Gyfeiriadur Gwasanaethau Cefnogi Pobl Casnewydd (pdf) i gael rhagor o fanylion am bob un o’r gwasanaethu cefnogi pobl a ariennir a sut i gael gafael arnynt.
Rhagor o wybodaeth
Arolwg canlyniadau ar-lein
Lawrlwythwch Supporting People Local Commissioning Plan 2016-2019 (pdf)
Ewch i wefan Cefnogi Pobl Gwent
Cysylltu
E-bostiwch supporting.people@newport.gov.uk neu cysylltwch â Newport City Council a gofyn am y tîm cefnogi pobl.