Alcohol ac adloniant

Mae Deddf Trwyddedu 2003 yn amlinellu'r gyfraith yn gysylltiedig â gwerthu alcohol, adloniant cyhoeddus, arddangos ffilmiau a pherfformio dramâu, a gwerthu bwydydd a diodydd poeth ar ôl 11pm.

Mae Cyngor Dinas Casnewydd, sef yr awdurdod trwyddedu, yn defnyddio'r amcanion canlynol i wneud yn siwr bod trwyddedau er budd y cyhoedd: 

  • yn atal troseddu ac anhrefn

  • yn atal niwsans cyhoeddus

  • yn sicrhau diogelwch y cyhoedd

  • yn amddiffyn plant rhag niwed

Trwydded safle - mae ei hangen i werthu a chyflenwi alcohol, darparu adloniant wedi'i reoleiddio a darparu lluniaeth yn hwyr yn y nos.

Trwydded bersonol - mae'n caniatáu i unigolyn gyflenwi alcohol, neu awdurdodi cyflenwi alcohol, o sefydliad sydd â thrwydded safle.

Tystysgrif safle clwb - mae ei hangen ar glybiau sy'n cynnig gweithgareddau o safleoedd y cyfyngir mynediad y cyhoedd iddynt ac sy'n cyflenwi alcohol am resymau heblaw am elw.

Hysbysiad digwyddiad dros dro - gall hysbysiad digwyddiad dros dro awdurdodi gweithgaredd y mae angen trwydded ar ei gyfer, mewn digwyddiad unigol ar raddfa fach.

Polisi Trwyddedu

Gallwch lawrlwytho Deddf Trwyddedu 2003 - Datganiad Polisi 2015 (pdf)

Rhaid i'r cyngor adolygu Datganiad Polisi Trwyddedu 2011 (pdf) bob pum mlynedd.  

Yn unol ag adran 5(1) Deddf Trwyddedu 2003, mae rhwymedigaeth statudol ar Gyngor Dinas Casnewydd, sef yr awdurdod trwyddedu, i benderfynu ar bolisi mewn perthynas ag arfer ei swyddogaethau trwyddedu cyn pob cyfnod pum mlynedd dilynol, a chyhoeddi'r polisi hwnnw.

Cysylltu

Cysylltwch â'r tîm trwyddedu yng Nghyngor Dinas Casnewydd