Dinas Democratiaeth
Yn ôl adroddiad, dylai Casnewydd a oedd unwaith yn gartref i fudiad y Siartwyr ddod yn Ddinas Democratiaeth a chynnal gŵyl ddemocratiaeth.
Mae arweinydd Cyngor Dinas Casnewydd, y Cynghorydd Debbie Wilcox yn cefnogi’r syniad, ynghyd â busnesau, addysg a sefydliadau etifeddiaeth.
Ymhlith argymhellion ResPublica mae:
- Cytuno ar strategaeth frandio ar gyfer y Ddinas Democratiaeth
- Mesurau i gefnogi cydweithrediadau a chydberchnogaeth ar gyfer busnesau lleol sefydledig a newydd
- Ystyried rhoi Stori Casnewydd yn y cwricwlwm ysgol
- Defnyddio panel dinasyddion Casnewydd i dreialu dulliau democratiaeth digidol newydd a chydweithredol.
- Cyfrannu at drafodaethau ynglŷn â diwygio etholaethol
- Creu Gŵyl Ddemocratiaeth, gan gyfeirio at gyd-destunau hanesyddol a modern, gan greu dadleuon ac annog defnyddio dulliau democrataidd newydd mewn ffyrdd gwahanol.
Lawrlwythwch grynodeb o’r adroddiad a’r argymhellion (pdf)
Ewch i wefan ResPublica i ddarllen yr adroddiad llawn